Мобилното плаќање ќе го замени кешот до 2020-та, се вели во истражување

Наскоро ќе нема потреба да носите кеш или кредитни картички, бидејќи се што ќе ви е потребно да платите е вашиот паметен телефон. Барем така тврдат истражувачите од Pew Research центарот и Универзитетот Елон.

Нивното истражување, или поточно анкета на 1.021 инвеститори, акционери и експерти во индустријата за мобилно плаќање, вели дека повеќето испитаници веруваат дека мобилниот телефон може да го замени кешот и кредитните картичку до крајот на оваа декада.

Повеќето испитаници веруваат дека 2020-та година ќе биде клучна. До тогаш целиот свет ќе биде навикнат да ги користи паметните телефони, и затоа на корисниците ќе им биде поприфатливо да платат преку мобилниот уред, наместо да носат кеш или кредитна картичка.

„Што имате во паричникот сега? Идентификации, пари и лични работи. Сето тоа може лесно да се вметне во мобилен телефон и евентуално тоа ќе се случи.“, вели главниот економист на Google и учесник во анкетата, Хал Вариан.

Во моментов постојат препреки како немање соодветни технички решенија, но можеби најголемата е секако стравот од технологијата како Near Field Communication (NFC) и нејзината безбедност да зачува лични информации.

Сепак, да не заборавиме едно нешто. Ова истражување е направено со експерти кои работат мобилната револуција да се случи првин во САД, Британија, Франција и други развиени земји. Во Македонија, која е технолошки помалку развиена, во моментов дури и плаќањето со кредитни картички не е баш прифатено, така да 2020-та е можеби премногу оптимистичка за во Македонија.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии