Македонските твитерџии организираат втора крводарителска акција

На денот на Крводарителите во Македонија, на 17-ти март од 11:00 до 20:00 часот во Домот на хуманитарни организации „Даре Џамбаз“, ќе се одржи втора крводарителска акција организирана од група македонски твитерџии, неколку македонски сајтови и Црвениот крст на Македонија. Стартуван е нов профил @Krvodariteli и хаш-таг #крводарители преку кој ќе се мобилизира хуманата заедница. Ова е втора крводарителска акција, на првата на 13-ти септември крв донираа 102 крводарители.

Интересно, @IceManAndov, кој заедно со @ivogievski се иницијатори на акцијата, во блог пост објаснува дека идејата за крводарителски твитап дојде од твит на @Stonogalka. Првичната идеја беше да направат традиционална крводарителска акција на секои шест месеци, но таа се претвори во нешто далеку поголемо. Хуманоста нема да запре само со донирањето крв. Пред настанот, на 15-ти и 16-ти март ќе бидат поставени пунктови низ Скопје за собирање на алишта, играчки и парични средства за домот за деца без родители „11-ти Октомври“, а по акцијата, вечерта на 17-ти, е закажана дружба во Ракија бар „Калдрма“ во Скопје на која 20% од прометот ќе биде дониран во домот.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии