Македонија ќе игра во финалето на Европскиот куп на нации во League of Legends

Македонскиот League of Legends состав по победата на Чешка се пласираше во финалето на Европскиот куп на нации. Финалето се игра во четврток, а противник на нашиот тим е Израел.

Се играше BO3 (најдобар од три) систем, а Македонија со победа на два меча со ред си обезбеди место во финалето на овој куп на нации. Репрезентативците на Македонија покажаа дека има доста добри, талентирани и искусни играчи кога станува збор за еспортот, а дека со добра и тимска игра се е можно, пишува Esport.mk.

Во подобар од 3 натпревари македонските репрезентативци доминираа во секоја поважна категорија и со 2:0 го завршија натпреварот против Чешка. Еве како накратко изгледа статистиката од овие натпревари:

  • прв меч – убиства 33:15; разлика во „голд“ 11 000; разлика во кули, 7.
  • втор меч – убиства 25:13; разлика во „голд“ 14 000; разлика во кули, 8.

Финалните натпревари се играат во формат подобар од 5, а стримот може да го следите на Twitch-каналот на Македонската еспорт федерација.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии