Лери Пејџ финансира неколку компании кои работат на летечки автомобили, но токму работата на автономните возила на Google ќе помогне овие возила да се кренат од земја и да полетаат, вели Bloomberg.
Zee.Areo е една од овие компании, основана е во 2010 година и има околу 150 вработени кои работат на летечките возила. Леталото на кое работат е малечко авионче кое може да слета и да полета вертикално. Компанијата не е поврзна со Google и Alphabet, туку е финансирана од г. Пејџ, кој кај вработените е познат како GUS (Guy upstairs). Идејата за летала не е нова и веќе има пионери кои работат на нив веќе 40 години, но досега моторите, технологијата, навигацијата, па и материјалите не беа доволно добри. Дополнително летањето е многу посложено и поопасно од возењето, што е пречка за поинтензивно тестирање на леталата. Но, според Марк Мур, поранешен инженер во NASA: „Последните пет години има огромен напредок во технологијата која е поддршка. Она што ќе се случува во следните 5 до 10 години ќе биде неверојатно“.
Zee.Aero не е единствената компанија за летала во која инвестира г. Пејџ. Kitty Hawk е втората компанија, која е лоцирана на помалку под еден километар од Zee.Aero. Компанијата е основана од Себастијан Трун, кој е човекот зад Google X и автономните возила. Засега нема повеќе информации за леталата надвор од неколку патенти и најави за летала. Двете компании престанаа да даваат изјави, и според Bloomberg имаат и картички на кои им се запишани начините на кои можат да ги избегнат одговорите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
