Лаптоп и таблет компјутер во едно: Dell XPS Duo 12 e нов хибриден Windows 8 уред

Dell на IFA 2012 во Берлин го најави новиот хибридeн лаптот/таблет компјутер XPS Duo 12 кој ќе работи на Windows 8. Тоа што веднаш паѓа во очи кај овој 12,5-инчен уред е што мониторот може да се откачи од рамката и да се постави во превртена позиција која изгледа „поприродна“ за таблет компјутер. Покрај присуството на тастатура, Dell во новиот хибриден комјутер ќе инсталира и екран на допир кој ќе биде заштитен со Gorilla Glass.

XPS Duo 12 ќе има HD екрани (најверојатно со 1920 x 1080 резолуција), 256 GB SSD простор и процесор кој ќе се надградува до i7. Надградбата до Ivy Bridge i7 ќе овозможи Windows 8 да функционира без проблем, барем што се однесува до хардверското побарување.

Токму Windows 8 и Microsoft се заслужен за брзиот подем на хибридните комјутери, пред се поради посветеноста на новиот оперативен систем кон екраните на допир, но и обидот за унифицирање на оперативните системи за таблет компјутери, паметни телефони и персонални компјутери.

Dell најави дека хибридот ќе биде достапен наскоро по излегувањето на Windows 8 оперативниот систем.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии