Корисниците на Xbox One собираат стотици илјади долари за борба против COVID-19

Пандемијата на COVID-19 коронавирусот е прилично актуелна тема, но она што е интересно е што сé повеќе компании наоѓаат креативни начини да помогнат во борбата против истиот. Еден од примерите е и Microsoft, компанија која се одлучи да го искористи својот Microsoft Rewards програм за да помогне во ситуацијата.

Од пред еден месец, корисниците кои играат Xbox One игри во САД имаат можност да донираат на CDC фондацијата. Да е уште поинтересно, не се ограничени само на играње – купувањето и изнајмувањето на филмови, како и достигнувањата во игрите, ви носат поени. Што повеќе време посветите на вакви активности, толку поголема донација.

Microsoft Rewards програмот постои веќе подолго време, а истиот им овозможува на корисниците поените кои ги собираат преку него да ги користат за gift картички, виртуелни валути или онлајн натпревари. Од пред скоро, тука е и можноста поените да се донираат за CDC, а Microsoft ќе донира 1 долар за секои 1,000 поени.

Иако ова можеби не звучи како многу, собирањето на поени преку Microsoft Rewards е релативно лесно и не бара посебен труд. На пример, заедно со иницијативата корисниците добија едноставен начин да соберат 2,000 поени – се што требаше е да го посетите програмот на вашата конзола, да отклучите достигнување, и да донирате поени на CDC фондацијата.

Честопати ваквите трудови не се многи ефикасни, но во случајов е баш спротивно. Гејмерите кои се одлучија да го искористат програмот, во изминативе месец дена се одговорни за преку 100,000 донации, што значи стотици илјади долари донирани од страна на Microsoft за да помогнат на фондацијата во борбата против COVID-19.

“Во првите неколку недели откако најавивме дека корисниците на Xbox One можат да ги искористат своите Microsoft Rewards поени за да донираат на CDC фондацијата, нашата гејмерска заедница имаше преку 100,000 индивидуални донации – неверојатна поддршка за CDC фондацијата што придонесе со донации од стотици илјади долари од членови на Rewards програмот”, велат од Microsoft.

Покрај ова, од Microsoft најавуваат дека програмот ќе се прошири, и корисниците од САД ќе имаат можност да донираат и на GlobalGiving и на United Nations фондацијата. Заедно со ова, ќе има и брз и едноставен начин да се соберат 6,000 поени, еднократно, што резултира со донација во вредност од 6 долари.  

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии