Консолидирање на пазарот за преносни компјутери Fitbit го купува Pebble

Производителот на најпродавани преносни и спортски компјутери, Fitbit, наскоро ќе стане сопственик на најпопуларниот паметен часовник на Kickstarter, Pebble. Договорот за купувањето е во последна фаза, тврдат извори за The Information.

Pebble e една од ретките компании која успешно продава паметни часовници. Часовникот е една од најуспешните Kickstarter-кампањи до сега, но во последно време има неколку проблеми. Компанијата има собрано над 15 милиони долари инвестиции, а тука не влегуваат парите од Kickstarter. Дополнително споредено со средствата од Kickstarter овие 15 милион долари и не изгледаат импресивно, само за Pebble Time компанијата имаше рекордна Kickstarter кампања со која собраа 20 милиони долари.

Сепак новиот часовник Pebble 2 дојде со доцнење, а и сензорите на мерење на срцевите отчукувања не беа прецизни, според информациите на Verge. За разлика од ова Fitbit нема никакви проблеми и е една од ретките компании која успешно продава преносни компјутери и фитнес тракери.

Засега ниту Fitbit ниту Pebble не ја потврдуваат веста. „Не коментираме на гласини и шпекулации.“, вели портпаролот на Fitbit,

Цената која Fitbit ќе ја издвои за Pebble е помеѓу 34 и 40 милиони долари, тврди TechCrunch.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии