Кои се промените во Македонија предизвикани од епидемијата, анализа на Google

Сакале ние да признаеме или не, веќе неколку недели не живееме нормално. Пандемијата на COVID-19 барем засега ни го промени начинот на живот. Мерките за социјално дистанцирање или барем физичко дистанцирање даваат резултати, иако веројатно сите очекувавме повеќе. Но дека најголем дел од граѓаните ги почитуваат мерките за социјално дистанцирање покажуваат и податоците кои ги сподели Google.

Овие податоци Google ги сподели за да му помогне на здравствениот сектор да направи проценка како преземените мерки ја менуваат ситуацијата.

Последниот извештај за Македонија е од 29 март и податоците покажуваат дека присуството на луѓе е значително намалено во повеќе локации. Што се однесува до начинот на кој Google ја прави оваа анализа прилично е едноставен. Најпрво пронаоѓа како изгледа трендот пред воведување на мерките што е прилично едноставно да се забележи и графикот, а потоа прави споредба земајќи ја состојбата пред преземените мерки како нормална. Податоците за оваа анализа се анонимизирани и од нив не може да се пронајде идентитетот на некоја индивидуа.

Ресторани и продажба: – 74%

Покрај продавници на оваа листа Google ги прикажува и трендовите за места како ресторани, забавни паркови, музеи, кино сали, театри и слично. Намалувањето на посетите е значително -74 отсто.

Прехранбени производи и фармација: -41%

Трендот покажува пад од 41 отсто за продавниците кои продаваат прехрамбени производи, пазари, аптеки и слично.

Паркови: -44%

Иако првичниот впечаток беше дека луѓето го користат убавото време за да излезат на отворено, ова сепак не е случај. За 44 отсто е намалено движењето во парковите, на плоштадите, отворен простор, национални паркови и слично.

Транзит: -69%

Веднаш по продавниците и кафулињата следи јавниот превоз. Во Македонија ова секако се однесува на автобускиот и железничкиот сообраќај.

Канцеларии: -51%

Трендот на Google покажува пад од повеќе од 50 проценти за движењето во канцелариите. Дел од компаниите се префрлија на работа од дома, а дел работат со намален капацитет.

Станбен простор: +18%

Единствен простор во кој Google забележа пораст е станбениот простор. Со над 18% повеќе престој во домовите Google, медицинските совети и нашиот совет е ист. Седете дома!

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии