Ко-основач на Skype ја модернизира доставата со автономно возило

Стартапот Starship, чиј основач е Анти Хенла, еден од креаторите на Skype, планира во иднина да користи роботи за достава на производи. Досега дел од компаниите како Amazon и Google најавија дека работат на дронови за достава, а ова е еден од ретките стартапи кои е заинтересиран за достава по земја.

Компанијата го презентира и своето возило со чија помош ќе врши достава. Станува збор за електричен автомобил кој повеќе наликува на кутија со тркала отколку на возило. Возилото е потполно автономно, операторот ја внесува пратката и адресата, а тоа ја доставува пратката до адресата. Штом пратката го напушти складот корисникот може да ја следи нејзината локација со апликација.

Она што е интересно е дека технологијата и сензорите кои се инсталирани во уредот се идентични како во паметните телефони. Starship е постојано под надзор на оператор кој може да ја преземе контролата врз возилото, или преку микрофон да подвикне доколку некој му пречи при доставата. Сепак тешко веројатно е дека ова ќе ги спречи крадците во намерата да го испразнат Starship, па дури и да го украдат целото возило.

За сега е непознато во која фаза е развојот на Starship, но BBC јави дека забележале прототип на возилото во Лондон, каде и е лоциран стартапот.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии