Кацига со термален поглед за превенција на ширење на Ковид

Кацига со која корисникот добива вид како „предатор“ и помага на полицијата во Кина, Дубаи и Италија да го спречи ширењето на Ковид-19. Кацигата е опремена со термална камера и овозможува следење на луѓето со повисока температура.

Паметните кациги N901 ги произведува кинеската компанија KC Wearable, а веќе ги користи полицијата во Кина, Холандија, Дубаи и Италија, пренесе Business Insider.

Со помош на камера и екран за проширена реалност, полицијата може да ја следи температурата на граѓаните на растојание од 2 метри. Процесорот во кацигата кој ги обработува овие податоци е ARM. Иако 2 метра и не баш некое растојание кое ни влева доверба, сензорот за температура мери со прецизност од 0,3 целзиусови степени.

Ова и не звучи премногу страшно, но кацигата има можност и за следење на QR-кодови на граѓани, секако ако вакви се издаваат, препознавање на регистрација на возило, препознавање во темница и препознавање на ликови, што може да претставува кошмар за заштита на приватноста. Сепак производителот тврди дека податоците од камерата не ја напуштаат камерата и се обработуваат на кацигата.

Цената на камерата е помеѓу 5 000 и 7 000 долари. Во Кина се користат над 1000 кациги, а Италија и Холандија засега ги тестираат можностите на N901.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии