Како Zoom стана најпопуларна платформа на интернет во време на COVID-19

Image courtesy By Zoom Communications

За време на владеењето на пандемијата, COVID-19 за најголем дел од компаниите и сервисите во ИТ индустријата претставува сериозен предизвик, но за онлајн платформата Zoom седењето дома значеше зголемување на бројот бројот на корисници кои секојдневно ја користат платформата, како и корисници кои го купуваат премиум планот со што ја зголемија и вредноста на компанијата. Вредноста на Zoom во последниот период се удвои. Акциите под симболот ZM на њујоршката берза NASDAQ на почетокот на 2020 беа 68 USD долари, додека со затворањето на берзата вчера (1 април) една акција на Zoom се тргува за 128,20 американски долари. Вниманието кон платформата несомнено и донесе и непосакувани предизвици, се покренаа сериозни прашања за онлајн безбедноста и енкрипцијата која (не) ја користи Zoom, но сето тоа се уште нема премногу влијание на вредноста на акциите.

Почетоците на Zoom Inc.

Zoom е онлајн платформа која овозможува услуги за видеоконференција, онлајн состаноци и чет. Клучни услуги на компанијата се:

  • Zoom Meetings
  • Zoom Premium Audio
  • Zoom Business IM
  • Zoom Video Webinar
  • Zoom Rooms
  • Zoom H.323/SIP Connector
  • Zoom Developer Platform

Без сомневање најголемата популарност сервисот ја доживува во моментов кога е користен од страна на голем број на компании и професионалци, па се до образовни институции. Но компанијата е основана пред речиси 10 години, во 2011 година, од страна на Ерик Јуан, тогашен инженер во Cisco, чие богатство во моментот се проценува на 5.6 милијарди US долари – зголемено за околу 2 милијарди “благодарение” на COVID-19 и пандемијата.

Ерик Јуан е роден во провинцијата Шандонг, Кина. Дипломски магистерски студии завршил на Универзитетот Шандонг, а во САД се преселил во 1990 година откако претходно неговата апликација за виза ја одбиле 8 пати. Идејата зад Zoom всушност е одбивањето на г. Јуан да патува и неговата омраза кон патувањето уште како тинејџер.

Прв пат го замислив Zoom додека бев бруцош на колеџ во Кина и редовно со воз патував по десет часа за да ја посетам мојата девојка (која сега е моја сопруга). Го мразев ова возење и замислував други начин на кој можам да ја посетам мојата девојка без да патувам – овие фантазии на крајот станаа основа за Zoom“, вели Јуан.

Она што е интересно е дека како и основачот на Amazon, Џеф Безос, и Јуан е дел од целиот процес во компанијата. Јуан им одговора на мејловите на корисниците, што секако е реткост за директор на компанија. Ова било и причина за дел од корисниците да го обвинат дека користи автомат за одговор на поштата.

“Еден клиент во одговор на мојата порака ме обвини дека испраќам автоматски генерирана пошта „имитирајќи“ го извршниот директор – рече дека Zoom е нечесна компанија! Му напишав дека мејлот е навистина од мене и дека не е генерирана од нашите алатки за маркетинг. Тој сè уште не веруваше, повторно му одговорив и понудив да се сретнам со него во Zoom во истата минута за да му докажам дека навистина јас ги пишував пораките. Овој повик не се случи, но престана да го обвинува Zoom за нечесност..” – ја споделува анегдотата CEO-то на Zoom.

Во периодот по основањето започна и растот на бројот на корисници, но и на партнери на Zoom. Во мај 2013 компанијата ги имаше првите милион корисници, веќе една година подоцна во јуни 2014 стигнаа до 10 милиони, а во февруари следната година стигнаа до 40 милиони индивидуални корисници и 65 000 организации.

Zoom се здоби со статус на „еднорог“ (стартапи со вредност од 1 милијарда долари) на почетокот на 2017 година. Во овој период веќе имаа инвестиции во вредност од над 145 милиони американски долари. Две години подоцна во 2019 Zoom котираше на берза, а на 18 април 2019 започна тргувањето со акциите на компанија и веднаш пораснаа 72 отсто. Компанијата од своето постоење има хостирано на 1 милијарда минути видео повици.

Zoom Inc. во моментот вработува над 2,000 луѓе ширум светот и е базирана во Сан Хозе, Калифорнија.

COVID-19 и Zoom

Zoom својот раст во последен период го има благодарение на состојбата во светот и епидемијата на ковид-19. Компанијата во екот на пандемијата (од почетокот на 2020) доби над 2.22 милиони нови корисници, што е повеќе корисници отколку што компанијата има добиено во целата претходна година, 2019.

Покрај вообичаените корисници едукација, часови по јога, романтични средби и средби со пријателите се префрлија на Zoom кој нуди можности за продолжување на работа и комуникација и во овие отежнати услови. Откако админстрацијата на Трамп воведе олеснувања на политиките за користење на здравствено осигурување при телемедицина (извршување на консултативни прегледи преку аудио или видео повик) како и препораките за самоизолација, еден од позначајните сегменти чиј пораст е забележителен на Zoom, се претплатниците од здравството – докторите кои особено сега започнаа да ја користат платформата за телемедицина.

Дел од милионите нови корисници се и образовните институции ширум светот, на кои Zoom за време на пандемијата бесплатно им ја остапува својата платформа,

Критики за безбедноста

Покрај вртоглавиот раст Zoom во последниве неколку недели на вестите е поприсутен со безбедности проблеми и проблеми со нарушување на приватноста. Дел од практиките дури добија и свое име „Zoombombing“.

Софтверот нема end-to-end енкрипција, со што се овозможува компанијата и вработените во Zoom да можат да ги гледаат и слушаат разговорите. Еден од најголемите недостатоци на апликацијата по приватноста на корисниците е можноста да следи кога некој од учесниците во разговорот кликнал надвор од главниот Zoom прозорец. Претходно на апликацијата беа забележани и други пропусти како опасност од преземање на разговор од страна на напаѓач, отстранување на членови од групите, следење на содежината на екраните, испраќање на лажни пораки.

Дел од критиките не се нови, на средина од минатата година Џонатан Литшах предупреди дека безбедносен пропуст во Zoom му овозможува на напаѓач да започне видеоповик и да ја активира камерата и микрофонот ако корисникот има инсталирано Zoom. 

Компанијата за да одговори на овие предизвици најави дека во следните 90 дена нема да развива дополнителна функционалност туку ќе работи на зголемување на безбедноста.

Но ова барем засега не е доволно за SpaceX и NASA. Компанијата и агенцијата им препорачаа на своите вработени да престанат да ја користат алатката и наместо ова да продолжат со електронска пошта и телефонски разговори.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии