Како Singular #РаботиОдДома

Несомнено е дека коронавирусот COVID-19 има огромно влијание врз случувањата во светот. Неодамна имавме текст за тоа како светските ИТ компании се справуваат со пандемијата и предизвиците кои ги носи. Очекувано најголем дел од читателите беше позаинтересиран како со епидемијата се справуваат локалните компании. Па затоа, во серијал насловен “Како [локална компанија] #РаботиОдДома” од повеќе текстови ќе се обидеме да презентираме што прават најголем дел од ИТ компаниите кои се од Македонија или имаат канцеларии во Македонија.

Ова е практиката на работа на интернационалната компанијата Singular фокусирана на изработка на софтвер за гејминг индустријата. Главните развојни бази на компанијата се лоцирани во Грузија и Македонија, со тоа што тимот во Скопје е фокусиран на развој на софтвер за спортско обложување.

Разговаравме со Дарко Гацов основачки партнер во Singular и Елена Михајлоска, шеф на маркетинг.


Како се справувате се овие отежнати услови за работа?

Почнавме со подготовки за можна пандемија првата недела од февруари со спремање на процеси “што би било кога би било”. Секако без разлика на подготовките, човек не може никогаш да е спремен за ваква ситуација, не од работен аспект туку самата тежина и ескалација која беше до сега и ќе следува.

Меѓу првите ако не и првите сме што почнавме со работа од дома. Не е толку што се отежнати, колку што се различни. Еве веќе скоро месец дена како работиме од дома и предизвик е, мора да признаам.

Какво е влијанието врз работата и клиентите?

Сите family mambers се исклучително одговорни и професионални кои во детали си ја познаваат работата. Работиме на наши производи каде важна е експертизата и во самиот домен и производ, но истата придонесува за помала фрикција од аспект на физички каде се наоѓаме. нашите клиентите се во иста ситуација, некои посилно, некои помалку погодени, но сега повеќе од кога било е наша обврска и предизвик да им помогнеме и на нив да ги пребродат овие времиња со што е можно помалце последици.

Кои алатки ги користите за да ја олесните работата од дома? 

Користиме многу алатки за колаборација Confluence, Jira , Slack, Skype, Miro, Zoom, StarLeaf и е одлично време да истестираме која најдобро си ја врши работата. Едно е сигурно сега имаме и време и можност да го направиме тоа на раат бидејќи сите од фирма сме во самоиницијативна самоизолација.

Кои се предизвиците при работа од дома?

Побрзо поминува денот, потешко се двојат деновите без гледање во календар, работното време, барем кај мене е перпетуално (Дарко), нема состаноци во живо и колку и да има заменски дигитални решенија – не е тоа тоа.

Во недостаток на она последното, се забележува дека драстично сме поактивни на дигиталните полиња не само за професионална туку и за друштвена “соработка”.

Имавте ли некој специфичен предизвик кој можеби не можевте да го предвидите?

До сега среќа немаше таков предизвик, што не значи дека и нема да се појави. Но како со сè, со ладна глава и здрав пристап додека сме живи и здрави со сè ќе се справиме.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии