Како ITgma #РаботиОдДома

Несомнено е дека коронавирусот COVID-19 има огромно влијание врз случувањата во светот. Неодамна имавме текст за тоа како светските ИТ компании се справуваат со пандемијата и предизвиците кои ги носи. Очекувано најголем дел од читателите беше позаинтересиран како со епидемијата се справуваат локалните компании. Па затоа, во серијал насловен “Како [локална компанија] #РаботиОдДома” од повеќе текстови ќе се обидеме да презентираме што прават најголем дел од ИТ компаниите кои се од Македонија или имаат канцеларии во Македонија.

Серијалот го започнуваме со ITgma, македонска ИТ компанија која работи на развој на софтвер во повеќе индустрии. Разговаравме со Дејан Гичевски, извршен партнер во компанијата…


Како се справувате се овие отежнати услови за работа?

За време на 11 годишното работење, ИТГМА има воспоставено присуство на глобалниот пазар со клиенти од Европа, Северна Америка, Азија и Австралија. Заради тоа, редовно и внимателно ги следиме случувањата на глобално ниво и подготвуваме различни стратегии за функционирање на бизнисот и во поинакви услови од нормалните. Појавата на Ковид-19 вирусот и неговиот замав во Кина во изминатиот период, крена аларм кај нас уште пред да почне да се шири во другите земји. Од таа причина ние навремено се подготвувавме за Business continuity на нашата компанија во вонредна ситуација во случај на пандемија, која за жал ќе остави тешки траги, и во изгубени човечки животи, и во економијата, на глобални рамки.

Какво е влијанието врз работата и клиентите?

Уште пред кај нас, во државата, да се прогласи вонредна ситуација и превземат построги превентивни мерки, ИТГМА беше подготвена своите сервиси од областа на развој и поддршка на софтвер и ИТ системи, целосно да ги пружа од мобилни локации.

Кои алатки ги користите за да ја олесните работата од дома?

Веќе на 12 март ние го започнавме концептот на Smart Work, т.е. работа од дома. Од овој датум нашите колеги веќе 100%, односно сите, работат на овој начин. Нашите тимови и нивните членови покажуваат висока одговорност и професионалност во извршувањето на задачите, држејќи ја продуктивноста на високо ниво, еднакво на она што го имаа и во нашите канцеларии. Користејќи ги апликациите за комуникација како што е Microsoft Teams и SharePoint, VPN конекции до нашите сервери и серверите на нашите клиенти, успешно се носиме со предизвикот на ситуацијата која го зафати целиот свет.

Имавте ли некој специфичен предизвик кој можеби не можевте да го предвидите?

Во однос на трендот во глобалната, но и локалната економија, кој има и ќе има големи негативни последици заради пандемијата од Ковид-19, и каде веќе сме сведоци на отпуштања на вработени дури и од индустриските гиганти, во ИТГМА не гледаме ризик за нашиот бизнис. Причината за тоа ја наоѓаме во нашата долгогодишна соработка со клиенти кои се претежно од сервисната индустрија, односно телекомуникациски компании, банки, ИТ и софтверски компании. Од друга страна, и бројноста на нашите клиенти ни обезбедува диверзификација на ризикот и сигурност на нашите ангажмани. За разлика од нас, доста софтверски компании во нашата земја, кои станаа побројни во последно време, беа формирани исклучиво заради потребите на ангажман на еден проект или ангажман за само еден клиент, и во ситуации како оваа, тоа може да биде доста проблематично, па дури и погубно за нив.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии