Излезе последната закрпа за World of Warcraft експанзијата Legion

Мартин Јованчевски

во гејминг

Како последна закрпа за проширувањето Legion, 7.3.5 воведува бројни нови функции во World of Warcraft. За целосен преглед, кликнете тука, но дефинитивно би сакале да ги истакнете следниве новитети:

Свет кој се прилагодува на вашето ниво – Секоја зона во Kalimdor, Eastern Kingdoms, Outland, Northrend, Pandaria и Draenor го користи scaling системот кој беше воведен со Legion, а ви дозволува поголема слобода во движење независно од вашето моментно ниво. Сите зандани и награди исто така се прилагодени според вашиот lvl.

Ulduar Timewalking – Патувајте во времето со 10 до 30 други играчи и ставете крај на одамна заборавеното зло преку Wrath of the Lich King рејд. Нивото на вашиот лик автоматски ќе стане 80 за потребите на рејдот.

Silithus: The Wound – Нова квест за играчите кои имаат завршено со Antorus, The Burning Throne. Таквите ветерани ќе бидат викнати во главите градови и упатени кон Silithus за да истражат чудни настани поврзани со сечилото на Sargeras.

Seething Shore – Ново бојно поле (Battleground). Алијансата и ордата се борат за реткиот ресурс, Azerite, на целосно ново бојно поле со два тима, од по 10 играчи. Првиот тим кој ќе собере 10 парчиња Azerite победува.

Надополнувањето донесува и нов токен кој се трансформира во легендарен Legion предмет за вашата специјализација. Се продава од Arcanomancer Vridiel  за 1000 Waking Essences. Оваа валута, пак, се добива преку најразлични активности, а количината која играчите ја добиваат сега е шестократно зголемена.

Сите оние кои ќе користат Authenticator или Blizzard SMS Protect за подобра заштита на нивниот акаунт ќе добијат четири екстра слотови за торби.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии