Излезе Google Earth 4.3 бета

IT.mk редакција

во Свет

{mosimage}Денеска на официјалниот блог на Google за Google Earth и Google Maps беше објавена најновата верзија на популарниот софтвер за виртуелно истражување на земјината топка, Google Earth. Во верзијата 4.3 која засега е во бета издание ви се претставени поголем дел на подобрувања и неколку значајни промени како побрзо вчитување на 3D објекти и подобар квалитет на истите, како и нова навигација за подобрено искуство.

По разни истражувања за тоа како корисниците ги користат навигационите команди на Google Earth, тимот кој е задолжен за овој проект во најновата верзија претстави полесен начин за истражување и движење кој помалку потсетува на начинот на навигација во поголем број на видео игри.

Во верзијата 4.3 овозможено е побрзо вчитување на 3D Објекти кои сега се застапени во поголем број благодарение на испратените објекти создадени преку 3D Warehouse од страна на корисниците. А во поголемите градови како Бостон, Токио и Минхен се создадени пореалистични 3D згради.

Во новата верзија на Google Earth како позначајна промена е и можноста за прегледување на изгревање и заоѓање на сонцето од било која локација во светот, па дури и од уличната перспектива. Иаку оваа опција засега е далеку од совршена, сепак е интересна занимација која може да го подобри доживувањето при користење на овој софтвер.

{mosimage}

Google Earth од оваа верзија е достапен и во 12 нови јазици: дански, англиски (не американски), шпански, фински, еврејски, индонезиски, норвешки, португалски, романски, шведски, турски и таи.

За да ги откриете другите промени, превземете ја верзијата 4.3, инсталирајте и уживајте.

П.С. Да не заборавиме дека неодамна беше додаден и еден друг интересен сервис во Google Earth.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии