Собранието го гласа Законот за навреда кој ја става одговорноста врз „провајдерите на интернет-услуги“

Со 66 гласови за, еден против и еден воздржан, Собранието во првото читање го изгласа предлог-законот за граѓанска одговорност за навреди и клевети (треба три читања законот да биде избран). Со овој предлог-законг освен што се поставуваат нови правила околу клеветите во медиумите, се наметнува и поголема одговорност врз „провајдерите на интернет-услуги“.

 

Овие провајдери на интернет-услуги, како што се именувани во Законот (.Pdf), не се добро дефинирани. Може да биде веб сајт на кој се објавуваат текстови од новинари или други автори, може да биде веб форум на кој мислење споделуваат илјадници корисници, може да биде мобилна апликација итн. Но, што е со коментари на фан страна на друштвена мрежа или коментари на видео на YouTube? Facebook, Тwitter и YouTube се местата каде што често има говор на омраза, клевети, навреди, дури и повикување на геноцид. Дали модераторот на Facebook фан страната ќе сноси одговорност, или пак Facebook, ако се сомневам во второво? Facebook е хостиран во САД, а македонски закон може да влијае само врз .mk или .com.mk сајтови, така? Доколку одгворноста паѓа кај модератор на фан страна, тогаш дали истото правило ќе важи и за веб форуми каде, пример, модераторите ќе сносат одговорност, а не сајтот на кој е форумот?

*Го исконтактиравме претседателот на МАНУ, Владо Камбовски, кој го изготви законот заедно со други експерти, новинари и судии, за подетално објаснување околу терминот „провајдер на интернет-услуги“. Чекаме одговор.

Еве го конкретниот Член 11 од Законот во кој се објаснува одговорноста на „провајдерот на интернет-услуги“:

Одговорност на провајдерот на интернет-услуги
Член 11
(1) Провајдерот на интернет услуги превзема одговорност, заедно со авторот, за надоместување на штетата која произлегува од овозможување на пристап до навредливи или клеветнички информации.
(2) Провајдерот на интернет услуги не одговара за изнесена навреда или клевета како резултат на овозможување пристап до навредливи или клеветнички информации под услов доколу:

  1. докаже дека авторот на информацијата објавена на веб порталот не дејствувал под директна или индиректна контрола или влијание од страна на провајдерот на интернет услугата, и
  2. докаже дека не бил свесен ниту трeбал да биде свесен дека навредлив или клеветнички материјал е објавен на веб порталот, или, во рок од 24 часа откако станал свесен за навредливиот и клеветнички карактер на објавениот текст или информација, ги превзел сите технички и други мерки за отстранување на таквата информација. Барање за отстранување на информација може да поднесе и оштетеното лице.

Од една страна законот е добредојден за да донесе барем некој ред во прекумерните навреди и клевети на друштвените мрежи и сајтовите, кои сакале или не, сепак треба да модерираат коментари бидејќи тие се платформата на која се коментира. Ваквото модерирање на навредливи коментари се практикува од бројни медиуми во светот, но се практикува и слободата на говор и правото на критичко мислење. Ова важи и за IT.com.mk.

Од другата страна, пак, овој закон лесно може да се претвори во цензура. Законот вели дека „барање за отстранување на информација може да поднесе и оштетеното лице“, што значи дека се дава моќ на оштетеното лице без судски налог да се заканува на сајтови и да бара цензура на содржината. Или како што предупреди фондацијата Метаморфозис:

„Законов ќе ги обврзе порталите да цензурираат содржини објавени од нивните корисници по барање на „оштетеното лице“, не по судски налог врз основа на докажан и осуден прекршок. На пример, некој владин функционер може да биде навреден од изнесување докази за негова корупција. Ако провајдерот не може да докаже дека сторил сè да му го спаси угледот тогаш се соочува со иста одговорност за содржините како граѓанинот кој ги објавил.“

Поставен вака, Законот останува дел на различно толкување пред се кога се работи за друштвените мрежи и сајтови кои се хостирани надвор од државата, а се користат од стотици илјади македонски граѓани.

5 коментари на “Собранието го гласа Законот за навреда кој ја става одговорноста врз „провајдерите на интернет-услуги“

  1. Сето ова е само за да се постигне цензура и контрола врз интернетот како медиум. Откако ги "средија" телевизиите им остана уште ова, па лошиот глас за владата (било која влада) нема да се слуша повеќе. Iron Curtain во 2012.

  2. Aj 'e bide isto kako i 80% od zakonite koi se nosat samo na hartija i ne se sproveduvaat da se machkaat ochi. neoti znaat so pisuvaat i so glasaat grupa nesposobni pratenici koi vrska nemaat od zivotot samo kolku da zemaat dnevnici odat vo sobranie.

  3. Aj dodeka ne stapil vo sila zakonot da napraam eden rant. Vlado Kambovski moze da napishe zakon za kucachka mashina. Ova ke go obeshrabri i taka mlitaviot mk internet trafik, ecommerce itn. Reguliraat raboti sho se irelevantni za Mk. Ushte sho zapnale so lizcenciranje na Win7, ke pukne koga i da e. Selo gori baba se cheshla…

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии