ИТ настан: Уште еден успешен Code App Level Up

Дејан Соколоски

во feature, Вести

Петта година по ред се одржи Code App Level Up. Станува збор за еден од најинтересните настани за млади инженери, дизајнери и претприемачи во организација на EESTEC LC Скопје.

Учесниците напорно работеа цела недела и на крајот од настанот можеа да ги претстават своите решенија. Финалето на овој настан доаѓа под препознатливото име „Get in the Ring“. Победник е тимот на Melius кој ќе оди на глобалното Get in the Ring натпреварување кое се одржува во јуни во Берлин. Тимот е составен од Димитар Бежановски, Милан Петровски од Битола, Филип Голабоски Струга и Маја Атанасоска од Прилеп, а нивни ментори се Томе Младински, Мартина Димовска и Јане Плавевски. Дел од наградите е и простор во кој тимот ќе може да продолжи да ја развива и имплементира својата идеја.

Второто место оди кај тимот на Startuvaj.mk, а третото е за тимот на Резимирани. Наградата за овие тимови е учество на регионалната ИТ конференција DigitalK во Софија, Бугарија, одноносно присуство на Spark.me во Црна Гора, како и простор во кој ќе можат да ја развијат идејата.

Настанот традиционално на младите инженери и дизајнери ги нуди истите или слични придобивки: да го надградат своето знаење и да работат на реални проекти кои подоцна можат да ги имплементираат во бизниси. Тема на настанот оваа година беше претприемништвото. На учесниците им помагаа ментори кои веќе се докажани стартапери и кои им помагаа во имплементација на идеите.

Покровител на настанот е Vip.

2 коментари на “ИТ настан: Уште еден успешен Code App Level Up

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии