ИТ настан: Како завршив во Македонија како ментор за стартапи?

Image courtesy of Ivica Penic/Facebook

Ако се спореди со останатите балкански земји, за многумина Македонија нема да биде прво место на листата во која би барале иновативност. Но, за Ивица Пениќ неколкуте дена поминати во Македонија се претворија во една година. Сега Ивица, кој е експерт за продажба и маркетинг, работи како ментор за локалните стартапи и консултант за претприемачи во SmartUP центарот на NewMаn’s Business Accelerator.

Приказната на Ивица кој доаѓа од Хрватска, ќе може да ја чуете на неделното предавање Weekly Dose of Acceleration, кое е организирано од NewMan’s за среда, 19:00 часот. Тој ќе зборува за претприемништво, за тоа како успеал на 21 година да ја продаде првата компанија и како од директор на меѓународна компанија со тим од 69 продавачи заврши во стартап акцелераторот, охрабрувајќи ги новите и иновативни компании да направат нешто ново.

Настанот е бесплатен, но треба да си резервирате место.