Intertec со софтверско решение за транспортни компании

IT.mk редакција

во ИТ.МК

Македонската компанија Intertec креираше софтвер за планирање и менаџирање на ресурси и финансии, кој функционира и како ТМС (Транспорт Менаџмент Систем) кој се грижи за процесите поврзани со транспорт кај компаниите од секторот транспорт и логистика.

Системот овозможува креирање и процесирање на нарачки, односно налози за транспорт,  архивирање, ажурирање на цени, делегирање на налози, планирање и одлучување. Системот работи на алгоритми кои ги нудат решенија за избор на соодветени ресурси (возачи, возила) како и сервиси кои помагаат да се понудат најефикасните транспортни шеми според дадени параметри, кои имаат пониско или повисоко значење според политиката на корисникот: трошоците за превоз, пократко време на дистрибуција, поефикасен превоз и обезбедување на квалитет.

 

 

Rutyx овозможува и извршување и следење на транспортот односно транспортниот план, со сите пропратни предизвици поврзани за диспечирањето, планирањето и комбинирањето на транспортот со цел оптимизирање на трошоците. Потоа доаѓа и следењето на транспортниот процес настан по настан (превозот од А, пристигнување во Б, царинење, итн.), фактурирање и резервација на документи , испраќање на сообраќајни предупредувања (одложување, несреќа, непредвидени запирања) и на крај следење на наплата и водење на финасиите. Rutyx има имплементирано систем за фактурирање на секој од налозите и ефективно следење на сите долгови, уплати, компензации. Од сите податоци кои на еден или друг начин влегуваат и се чуваат во базите на Rutyx, може да се генерираат извештаи според бројни параметри кои ќе ги дадат потребните одговори на менаџерите со цел донесување попрецизни и побрзи одлуки.

 

 

Според менаџерот на Rutyx, Мане Андреевски, ова е софтвер кој има за цел да ги однесе на едно повисоко ниво македонските транспортни компании и да бидат конкуретни во иднина и на глобалниот пазар.

“Преку Rutyx сакаме да инвестираме во иднината на транспортните кмпании и нивниот развој. Македонските транспортни компании генерално ги следат сообраќајните и законските регулативи за превозници, но не ги следат оние правила и законски регулативи кои наскоро ќе бидат воведени. Тоа значи дека доколку македонските компании не инвестират во софтверско решение од ваков тип, во иднина нема да можат да добиваат нарачки или информации за превоз на одредени стоки од европските компании. Не би сакале да звучиме застрашувачки, но ние како директно инволвирани во тој сегмент во Европа, ги знаеме работите однапред, и сакаме на време да влијаеме на македонските транспортни компании следејќи ги сите трендови, а тоа е поради фактот дека компаниите во Европа се развиваат и напредуваат во сите сегменти пропорционално. Кај нас компаниите имаат проблем со развојот бидејќи многу тешко се одвикнуваат од навиките кои ги стекнале.” – вели Мане Андреевски.

Целосното софтверско решение се состои од хардверски уред кој се инсталира во секое возило, и комуницира со сeрвер кој ги собира, обработува и чува податоците. Потоа тие податоци се анализираат, прегледуваат и искористуваат преку веб апликација, која е составена од низа алатки наменети да им ја олеснат работата и да им заштедат време на корисниците на софтверот кои се одговорни за транспортните процеси. Дополнително, Rutyx има и мобилна апликација која е основна алатка на корисниците кои се на терен, каде покрај алатките за навигација и комуникација, се интегрирани сите потребни информации во врска со доделените задачи.

 

Целта на Rutyx е да биде целосно, сеопфатно решение, кое ќе го интегрира целиот циклус на процеси, од добивање нарачка за транспорт, до нејзино фактурирање односно исплата, со сите придружни активности.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии