InstaPDF е одлично решение за скенирање документи со вашиот iPhone

Во ситуации кога сакате брзо дигитално скенирање со неограничено складирање на облак, нема подобро решение од InstaPDF. Благодарение на алатката, iPhone корисниците можат да скенираат документи независно од ситуацијата и на крајно флексибилен начин. Секој скениран документ може автоматски да се постави на облак. Апликацијата одлично ја детектира и скенира страната, а лесно можете да скенирате и повеќе страни и да ги поставите истите како еден PDF фајл.

Во моментот кога ќе скенирате и поставите одреден документ, можете да му го менувате насловот, да вметнувате тагови, да отсечете непотребни делови или да наместите филтри. Некои од филтрите се исклучително корисни и ви дозволуваат да го прикажете само текстот од документот, да го направите црно-бел, или да ја подобрите бојата, односно квалитетот на скенираното.

На многумина корисници на iPhone особено им се допаѓа можноста да ги заштитат документите и со лозинка. На тој начин, наметнувате дополнителен слој безбедност кога споделувате чувствителни документи. InstaPDF ви дозволува и да оставате коментари, како и да потпишувате документи.

Авторот на овој текст нема iPhone и утеха бара со подеднакво корисните апликации како Genius Scan и Scanbot. Која било од овие Android апликации врши одлична работа за брзо и олеснето скенирање и управување со документи.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии