Иницијатива за продолжување на образованието во време на коронавирусот

Ова е гостински текст на организаторите на иницијативата за продолжување на образобанието во време на пандемија на Ковид-19.


Ненадејното доаѓање на коронавирусот изврши прекин во образовниот систем како превентивна мерка за спречување на понатамошното ширење на истиот. Иницијално прекинот е од времетраење од две недели, но ништо чудно истиот да биде продолжен на неодредено време, што може и да се поклопи со летните одмори. Поради големиот временски период кој треба да се надокнади ќе биде тешко часовите да се одржуваат во периодот на летните одмори од јуни до први септември.

Со цен да се минимизираат загубите на часови, група ентузијасти се собраа и направија предлог решенија кои Владата може да ги употреби да се продолжи со часовите, со користење на информациски комуникациски технологии (ИКТ) за одржување на истите.

Предлозите се состојат во одржување на часовите електронски, преку интернет, со користење на уреди кои голем дел од населението ги имаат, како на пример лаптопи, компјутери и секако, мобилни телефони.

Решението предлага користење софтвер за групен текст разговор или групни повици кои може да се модерираат; каде наставниот кадар би презентирал наставни содржини и би давал домашни задачи и потоа со користење на софтвер за тестови би можел да го проверува стекнатото знаење.

Досега вклучените предлози се бесплатни за користење и можат многу лесно да се конфигурираат за онлајн образование, иако не се наменети за таа цел и имаат свои недостатоци. Алтернативата е примена на специјализиран софтвер, што би траело доста време во имплементација и обука за едукација на наставниот кадар – време кое во моментов истекува.

Предлогот идентификува и дополнителни ризици како што се немање никаква реакција од министерството, немање уреди и интернет на одреден процент од населението и други ризици.

Во продолжение е линк до документот со предлози.

Ги покануваме граѓаните и компаниите да го прочитаат текстот и се вклучат со свои предлог решенија или да понудат помош во опрема, финансии и ангажман. Овие предлози и понуди ќе станат дел од документот. Упатства како да се додадат овие предлози се опишани во самиот документ.

Ги повикуваме сите граѓани, МОН, општините и Владата да ги разгледаат овие предлози во интерес на образовниот систем.

Очајни времиња бараат очајни мерки – Хипокрит.

Времињата во кои се наоѓаме дефинитивно се квалификуваат како очајни, но предложените мерки за продолжување на образованието воопшто не се очајни. Со малку напор и тренинг образовниот процес во државава не мора да запре, туку напротив може да дојде во нова ера.

Ова е гостински текст на организаторите на иницијативата

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии