Над илјада твитови му се изнасмеаа на #рингишпилoт на плоштад Македонија

Македонската Twitter заедница не може да престане да твита за новиот рингишпил кој беше поставен на плоштадот Македонија, веднаш до новата зграда на Македонски Телеком. Во моментов има над 1.200 твитови што го содржат зборот „рингишпил“. Има помал број твитови за „вртелешка“. Револтот кој ги предизвика саркастичните коментари се парите – 160.000 евра – кои се дадени за рингишпилот, фининсиран од ЈП „Парк и Зеленило“. Твитерџиите исто така најмногу ја критикуваат невкусноста дека се редат постојано споменици и знаменитости на плоштадот кој полека се стеснува. Како и секогаш, повеќето од твитовите се апсолутно креативни и забавни, како да сакаат твитерџиите со сарказмот со суптилно политички коментар да ги заменат вулгарните политички препукувања. Но, не на секој му е до смеење. Еве дел од тие што не изнасмеаја, и тие што не замислија.