IAB Македонија со реакција кон МИОА: Третманот на онлајн медиумите треба да е еднаков

Interactive Advertising Bureau (IAB) е светска организација за унапредување на дигиталниот маркетинг. Основана е 1996 во Њујорк а во моментов има 43 ИАБ лиценцирани канцеларии кои работат во земји ширум светот и една регионална IAB канцеларија, во Европа. Како дел од оваа организациска мрежа, во 2012-та година, поголем број на маркетинг агенции, медиуми и компании во Македонија го формираа локалниот огранок – IAB Македонија со единствена цела за развој на дигиталниот и интерактивниот маркетинг во земјата. Денеска, во здружението членуваат повеќе од 40-тина реномирани агенции и едни од водечките онлајн портали и огласувачи во земјата.

По повод новите мерки против пандемијата на COVID-19 на Владата со кои се воведе и полициски час, а воедно се донесе и одлука Министерството за информатичко општество и администрација (МИОА) да издава дозволи за движење за новинари, IAB Македонија реагира дека согласно одлуката на МИОА постои нееднаков и нефер третман на онлајн медиумите.

IAB Македонија, асоцијацијата која ги обединува водечките онлајн медиуми, маркетинг агенции и огласувачи во земјава, реагира на одлуката на Министерството за информатичко општество и администрација – МИОА, со која нееднакво се третираат онлајн медиумите во државата и пристапот во извршување на својата функција за информирање им ја дава на само една група медиуми. Претходно, за оваа одлука на МИОА со која нееднакво се третираат онлајн медиумите, реагираа и АВМУ, МАН и ЗНМ.” – велат од IAB.

Во реакцијата со која ИАБ Македонија се обрати до МИОА се вели и дека „Регистарот на Советот за етика во медиумите на Македонија и Здружението на новинари на Македонија не претставува официјален регистар на онлaјн медиуми и не ги содржи сите онлајн медиуми во РС Македонија” и согласно на тој факт, не треба да представува единствен регистар на медиуми.

“Сакаме да Ве информираме дека постојат и други регистри и саморегулаторни кодекси, како на пример регистарот и кодексот на ИАБ Македонија чии потписнички се согласни меѓусебно да ги регулираат и заемно да ги почитуваат правилата за фер, етички и добри професионални практики во врска со креирањето и објавувањето на содржини, производи и услуги кои ги нудат преку своите дигитални медиуми, а кој може да го погледнете на следниот линк: https://www.iab.mk/etichki-kodeks/. – дополнуваат од IAB.

Дополнително, постојат и регистрирани онлајн медиуми кои не се дел од ниту еден регистар, а сепак ги исполнуваат условите за работа како онлајн медиум согласно важечките закони. Затоа, Ве замолуваме да ја преиспитате вашата Одлука и да се овозможи доделување на дозволи за сите онлајн медиуми кои се регистрирани како правни лица во РСМ и имаат импресум“.


Напомена: IT.mk и компанијата која управува со медиумот, IWM Network, се ко-основачи и активни членки на IAB Македонија, а воедно во сегашниот мандат имаат и претставник во Надзорниот одбор на здружението.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии