Hyundai и Kia инвестираат 80 милиони евра во хрватскиот Rimac

Компанијата Hyundai Motor Group и Kia Motors Company заеднички инвестираа 80 милиони евра во Rimac – хрватската компанија за електрични возила. Компаниите најавија стратешко партнерство за да соработуваат во развојот на електрични возила со високи перформанси.

Со новата соработка, Hyundai Motor Group има за цел да го забрза транзитот кон чиста мобилност и да се позиционира себеси како глобален лидер во водењето на оваа промена во индустријата.

Hyundai, Kia и Rimac ќе работат заедно за да развијат електрична верзија на спортскиот автомобил на брендот N, марка Hyundai Motor Group, и електрично возило со високи перформанси до 2020 година.

“Rimac е иновативна компанија со извонредни можности во електричните возила со високи перформанси”, изјави Еуисун Чунг, извршен потпретседател на Hyundai Motor Group. “Неговите корени како стартап и големото искуство во соработка со производители на автомобили во комбинација со технолошките способности, го прави Rimac идеален партнер за нас. Со нетрпение очекуваме да соработуваме со Rimac на патот кон чиста мобилност “.

Основачот и извршен директор на Rimac, Мате Римац рече: “Ние сме многу импресионирани од визијата на Hyundai групацијата и брзата и решителна иницијатива. Ние веруваме дека ова технолошко партнерство ќе создаде максимална вредност за нашите компании и нивните клиенти. Rimac сѐ уште е млада и релативно мала, но брзорастечка компанија.“

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии