Хрватскиот Bellabeat веќе има 130.000 купувачи за паметниот накит Leaf Urban

Новата верзија на паметниот накит од на хрватската компанија Bellabeat веќе има 130.000 купувачи. Компанијата првите модели на новата серија ги продаде за еден час и заработи над 1,3 милиони куни, јави Netokracija.

 
Накитот има слична функционалност како и фитнес алките за мерење активност. Може да ги следи вежбите, тренинзите и спиењето. Алката е поврзано со телефон преку апликација која овозможува дополнителна функционалност. За разлика од претходниот модел Leaf Urban е водоотпорен, многу помал, а и полесен. Сензорите се подобри и можат да мерат попрецизно од претходниот модел. Можеби најимпресивна е најавата дека новиот модел може да работи и шест месеци помеѓу полнењата на батеријата.

„Над 130.000 потенцијални купци веќе покажаа интерес за Leaf Urban. Најголем предизвик е масовното производство. Уредот истовремено е и накит, па тешко е да се произведува во големи количества“, вели ко-основачот на Bellabeat, Сандро Мур.

Bellabeat има неколку производи досега. Leaf, Shell и Balance. Shell е уред кој е наменет за бремените кориснички, и помага за следење на текот на бременоста, а Balance е паметна вага која се поврзува со паметен телефон. Bellabeat започна да ги продава сите уреди заедно за да им олесни на трудниците, а сега се чини дека за Leaf сепак има поголем интерес и привлекува поголем број на купувачи.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии