Холандските власти го изгасија црниот онлајн пазар Utopia

Полицијата во Холандија уапси петмина и го затвори маркетот од „темниот интернет“ Utopia. Уапсените се осомничени за управување со споменатиот маркет, преку кој тргувале со наркотици, украдени кредитни картички и оружје, вели jавниот обвинител на Холандија. Двајца од уапсените во Enschede се Холанѓани на возраст од 30 и 31 година и полицијата се сомнева дека се основачи и на уште еден сајт на темниот интернет Black Market Reloaded. Покрај нив судење очекуваат и 29-годишник од Утрех, четириесет и четири годишен Холанѓанец обвинет за илегална трговија и обид за потикнување на убисто, како и дваесет и едно годишен Германец обвинет за продажба на наркотици и оружје. При претресот на домовите на осомничените полицијата пронајде и заплени: компјутери, USB-стикови и хард дискови, како и 900 биткоини чија вредност е помеѓу 400.000 и 600.000 евра.

Апсењата се дел од поголема акција, Operation Commodore во која учествуваат полициите на повеќе држави, а нивна цел е откривање и затворање на сајтови кои оперираат анонимно злоупотребувајќи ја анонимноста која ја нуди Tor. Корисниците анонимно пристапуваат до овие маркети преку Tor, најчесто плаќаат со дигитални монети, а и самото лоцирање на серверите е огромен проблем. Пред своето затворање страната имаше 13.000 продукти од кои најголем дел достапни за испорака во целиот свет. Трансакциите вообичаено како и на останатите маркети со илегални стоки се правеа со Bitcoin.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии