Ransomware: Бараат 3,6 милиони долари од болница што ја хакнаа

Хакерска група бара 3,6 милиони долари да ја вклучи повторно мрежата во медицински центар во Холивуд. Засега е непознато која група стои зад нападот, но трендот да се користи ransomware е очигледен, иако овој пат наместо лични компјутери и податоци, станува збор за болница. Откупот треба да биде исплатен во 9.000 биткоини.

Нападот е направен така што е искористен злонамерен софтвер кој го блокира пристапот до мрежата на болницата додека не биде исплатен откупот. Поради ова вработените во болницата немаат пристап до медицинските картони и историјатот на болеста на пациентите. Болницата работи во вонредни услови, а лекарите и персоналот испраќаат документација преку телефон или факс, а компјутерите потребни за работа во лабораторијата, магнетна резонанца, па дури и аптеката се исклучени.

Дел од пациентите се испратени во други болници, а барем засега болницата не прима нови пациенти. Болницата не е намерно избрана, туку станува збор за случаен напад, вели директорот на болницата, Ален Стефанек. Хакерите нашле пропуст кој го злоупотребуваат. Овие напади не се реткост, но вообичаено откупот е најмногу неколку стотици долари, пренесува CSO.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии