Google потроши 500 милиони долари во кеш за детални фотографии на светот

Google потроши 500 милиони долари во кеш да ја купи Skybox Imaging, компанија која обезбедува сателитски фотографии со висока резолуција. Целта на Google е да ги интегрира овие квалитетни фотографии во Google Map за да ги усоврши мапите со точни и актуелни фотографии.

„Сателитите на Skybox постојано ќе ги ажурираат Google Maps со актуелни и точни фотографии. На подолг рок се надеваме дека тимот на Skybox и нивната технологија ќе може да помогне за подобар Интернет простап и помош при елементарни непогоди – области за кој Google има долготраен интерес“

Skybox Imaging постои пет години, а веќе се креатори на најмалите сателити со висока резолуција кои собираат прекрасни и корисни слики и 90-секундни видеа секојдневно. Примената на технологија која ја разви Skybox Imaging е од: надгледување на насади, надгледување на складишта за нафта, надгледување на инфраструктура за нафта и гас, но и надгледување во случај на непогоди и природни катастрофи.

„Skybox и Google делат повеќе од поштански број. Веруваме дека информациите (особено точни геопросторни информации) треба да бидат достапни и корисни. За да го направиме ова ние сме подготвени да ги решаваме проблемите – без разлика дали станува збор за автономни возила или креирање на сателити од почеток“, вели компанијата на својот блог.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии