Project Block е проект на Google кој на децата ќе им овозможи преку игра да научат или барем да се подготват за програмирање. Програмирањето со блокови не e новост бидејќи има куп видеоигри кои им помагаат на децата да ги научат основите на програмирањето на овој начин, но Project Block е интересен проект бидејќи се физички коцки. Коцките се дело на соработката помеѓу Google, Паоло Бликстеин и IDEO. Целта не е децата да научат да програмираат на оваа мала возраст, туку да научат да размислуваат како програмери, што значително ќе го олесни програмирањето потоа.
Project Block e составен од неколку главни делови – „главна табла“, „основни табли“ и „пакови“. Главната табла е основата која ги врши пресметките и ги напојува останатите елементи. Сите останати коцки се врзани за неа и оваа плоча главниот елемент кој потоа управува со работата на сите поврзани уреди. Паковите се елементите кои всушност се командите со дел од функционалности како: вклучи/исклучи, сврти лево, рипни. Според Google, тие се наједноставниот дел за правење и сѐ што е потребно е хартија и спроводливо мастило. Плочките се последниот основен елемент и со нивно поврзување и тие се своевидни куќишта за паковите.
„Целиот систем може да има најразлична форма и да биде изработен од различни материјали. Ова значи дека развивачите ќе имаат слобода да направат разноврсни искуства од компонирање на музика, па сѐ до користење на елементите за играње со сензори или било што друго што сакаат да измислат“, вели Google на својот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
