Google го претстави Android Ice Cream Sandwich заедно со Galaxy Nexus

Еден оперативен систем да владее со сите! Дали Ice Cream Sandwich ќе биде решението на Google да се справи со фрагментацијата на Android пазарот? Новата верзија на мобилниот оперативен систем е наменета токму за тоа, да работи и на паметните телефони и на таблет компјутерите.

„Креиравме нов фонт што е оптимизиран за HD екрани и го елиминиравме сите хардверски копчиња во замена на соодветни софтверски копчиња (Roboto интерфејс)“, вели Google кој заедно со Samsung во Хонг-Конг го претстави „сендвичот од сладолед“ и првиот телефон кој работи на тој ОС, Galaxy Nexus.

„Исто така драматично ја подобривме тастатурата, направивме нотификациите да бидат поинтерактивни и креиравме виџети чија големина може да се менува.“

Ice Cream Sandwich има нов Gmail дизајн и нова People апликација преку која се има пристап до фотографии и статуси од друштвени мрежи. „Сладоледот“ или Android 4.0 има Face Unlock опција за препознавање на лица за отклучување на телефонот, има внесување на текст со говор и интегриран Google+.

Galaxy Nexus ќе биде првиот уред кој ќе има Android Beam алатка за споделување веб сајтови, видеа, мапи, локација и апликации преку near-field communication (NFC) со едноставно приближување на два телефона еден до друг.

Galaxy Nexus ќе има 4,65-инчен екран, LTE (4G) поддршка и работи на 1,2 Ghz процесор. Galaxy Nexus ќе биде достапен ширум светот од ноември.

[youtube]-F_ke3rxopc[/youtube]

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии