Gest сака да биде контролерот на иднината

Image courtesy of KickStarter/Gest

Gest сака да биде нов тип на контролер, а изгледот на нараквица иако не е нешто ново за сега не е прифатен од корисниците.

Една од главните промени со кои се надеваат дека ќе направат промена е тежината на уредот. За разлика од конкурентите, Gest е лесен, мек и едноставен за користење.

Контролерот е составен од пет дела, најголемиот се „закопчува“ околу дланката а останатите четири одат околу прстите. Главниот дел и останатите се споени со жица, а уредот функционира благодарение на куп сензори – жироскопи, акцелерометари и мангнетометри кои ја лоцираат позицијата на прстите во однос на дланката.Овие податоци потоа се испраќаат до компјутерот.

Освен за десктоп, Gest може да се користи и со паметни телефони или таблет компјутери. Контролерот не само што ќе се обиде да го замени компјутерското глувче во апликациите, туку според презентацијата на Kickstarter ќе може да ја замени и тастатурата. Првиот софтвер со кој Gest ќе функционира во целост е Adobe Photoshop.   

Уредот е на Kickstarter и во претпродажба е достапен за 150 долари, а првите уреди ќе започнат да се испорачуваат веќе во ноември.

 

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии