Funky Friday: Сакаме да направиме coworking заедница oд професионалци

Image courtesy of Funky Coworking Friday

Утре ќе има шести по ред Funky Coworking Friday. Секој петок во Јавна соба од 12 до 16:00 часот има coworking дружење помеѓу стартапи, претприемачи, дизајнери, програмери и куп други креативци кои сакаат да ги сменат канцелариите за поoпуштено место за работа. Funky Coworking Friday е настан организиран од Емир Слезовиќ и Петар Ниновски, кои сакаат да создадат coworking заедница која ќе соработува меѓу себе за да направат кул локални продукти. Можеби тука ќе најдат нов тим, некој добар совет или инвеститор кој ќе вложи во таа идеја.

12716256_1584273798464238_1061845913089031642_o

Иако отидов на Funky Friday решен да ги завршам дневните обврски, се најдов во coworking средина во која ми беше тешко да бидам продуктивен. Но, тоа не беше лоша работа. Напротив. Продуктивноста ја заменив со корисни разговари со луѓето што се таму. Тој петок во Јавна соба веќе имаше околу 25 луѓе што дојдоа да соработуваат; некои работeа сами, но повеќето беа отворени да разговараат и да споделат професионални совети. На мое изненадување, одеднаш се појавија околу осум луѓе кои беа испратени од корпоративниот Neocom да бараат инспирација во coworking простор помеѓу фриленсери и стартапи.

„Разликата со Funky Coworking Friday е што тука може да се поврзувате со други“, вели Емир. „Funky Friday не е вообичаен простор кој го изнајмуваш и доаѓаш да завршиш секојдневна работа, туку coworking настан на кој доаѓаш да работиш, но и да запознаеш интересни луѓе, да се поврзеш со нив. За вистински продуктивна работа ти е потребно простор за тебе, или навика да можеш да работиш во гужва. Но, тука доаѓаш за да се запознаеш со заедницата“.

12698306_1582411281983823_5152656193326882696_o

Заедничките работни простори се тренд во светот, и тренд во Македонија. Веќе има неколку вакви простори што се изнајмуваат, иако повеќето функционираат како стартап инкубатори. Меѓу првите се Yes инкубатор, тука се NewMan’s Business, но има и неколку нови како Coffice кој се отвори пред осум месеци, и HUB Skopje кој стартуваше во февруари. Сите овие места изнајмуват простори за професионалци на кои им е потребно место да работат, наместо да седат во канцеларија или дома.

Но, Funky Friday има понаква агенда. Бесплатен е, и иако трае само неколку часа во петок, предноста е што секој може да дојде да види што е всушност coworking. „Coworking културата не е изградена во Македонија. Нема доволно свест и знаење за што се работи“, вели Емир. Затоа на Емир и на Петар им е важно да креираат заедница со coworking култура, иако не го отфрлаат планот во иднина да најдат посоодветен простор кој, како и сите други, ќе го изнајмуваат. Но, првин е потребно да се запознаат луѓето за концептот на соработка.

6 коментари на “Funky Friday: Сакаме да направиме coworking заедница oд професионалци

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии