Facebook фан страните добија опција за нивно преведување

Facebook, без официјално најавуање, стартуваше нова алатка за преведување која ќе им овозможи на корисниците да преведуваат содржини директно од Facebook страници. Оваа алатка функционира благодарение на Bing Translatоr. Според Facebook, овој потег ќе им овозможи на корисниците да уживаат во содржините Facebook страниците без разлика на кој јазик се.

Со оваа нова опција, под секој јавен пост се наоѓа копче Translate кое кога ќе се кликне се отвара попап со автоматски превод на тој пост. Администраторите на страниците можат да одберат дали да се покажуваат само преводи на содржини автоматски генерирани од Bing Translate, или пак да им овозможат на корисниците самите да даваат преводи. Доколку овие понудени преводи од страна на корисниците се прифатени од останатите корисници, тогаш дадените преводи ќе ги заменат  автоматски генерираните од Bing Translation. Моментално и двете опции се автоматски наместени на страниците.

Копчето Translate може да се види само доколку јазикот на страницата е различен од јазикот кој го користите на Facebook, и моментално е достапно за корисниците од Русија, Кореја, Хонг Конг, Тајван и Јапонија. Наскоро оваа опција би требало да биде достапна и за останати светски јазици.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии