Европската Унија ги претстави насоките за развој на вештачка интелигенција

Европската Унија ги престави етичките насоките кои треба да им помогнат на развивачите на вештачка интелигенција во развој на технологијата. Покрај листата со препораки, за летото е најавен и пилот проект кој треба да ги потврди предложените мерки.

Вештачката интелигенција треба да ги следи сите закони и регулативи и дополнително да ги задоволи предложените совети.

  • Човечки надзор: Вештачката интелигенција треба да овозможи рамноправно општество поддржувајќи го изборот на луѓето и основните човекови права, а не да ја намалат, ограничат или да ја насочат погрешно човечката автономија.
  • Робустност и безбедност: Безбедна вештачка интелигенција подразбира и безбедни и доверливи алгоритми, кои се доволно робусни да се справат со грешки и недоследности во текот на сите фази од циклусот на вештачката интелигенција.
  • Приватност и владеење со податоци: Граѓаните мора да имаат потполна контрола врз своите податоци, а податоците кои се однесуваат на нив не можат да се користат против нив.
  • Транспарентност: Работата на системите за вештачка интелигенција мора да биде отворена за следење.
  • Разновидност, недискриминирање и праведност: Системите за вештачка интелигенција треба да го разгледаат целиот спектар на човечки способности, вештини и барања и да обезбедат пристапност.
  • Општествена и еколошка благосостојба: Системите за вештачка интелигенција треба да се користат за подобрување на позитивните општествени промени и да ја зајакнат одржливоста и еколошката одговорност.
  • Одговорност: Треба да бидат поставени механизми за да се обезбеди одговорност за системите, вештачката интелигенција и исходите од нивна примена.

Правилата ги креираше тело од 52 експерти од индустријата, академијата и граѓанските организации.

Следно за правилата е тест. За оваа цел и ќе започне пилот проектот кој ќе треба да ја утврди применливоста на овие 7 основни насоки. Овој дел од програмата започнува веќе налето.

Дотогаш ќе остане да погодуваме како ќе се одвива имплементацијата на советите. Дел од барањата се сложени и нема едноставно да можат да се имплементираат. Дополнително дел од нив како „позитивни општествени промени“ не се насекаде исти, па она што е прифатливо  во една држава, може да не е прифатливо во друга.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии