Европа ќе следи Ковид-19 контакти и преку граници

Дејан Соколоски

во ИТ.ЕУ

Европа започна да ги следи Ковид-19 контакти надвор од границите на секоја држава членка. Германија, Ирска и Италија донесоа одлука за соработка, и апликациите за следење на контакти ќе следат контакти и надвор од границите на секоја држава поединечно.

Германската Corona-Warn-App, ирскиот COVID tracker, и италијанската Immuni app ќе ги споделуваат податоците. Ова ќе овозможи следење на контакти за корисници кои се движат преку границите. Апликацијата во овие држави ќе работи исто како во домашната држава.

Во следните неколку недели се очекуваат уште апликации да се приклучат на оваа листа со интероперабилност. Барем 18 национални апликации се компатибилни и можат да бидат додадени, пренесе TechCrunch. Интегрирањето на националните апликации ќе заврши во ноември. Сепак ако некоја држава сака, ќе може да се приклучи и по ноември.

Клучна за интероперабилноста на апликациите е да бидат со децентрализирана архитектура. Единствено овие апликации можат да се приклучат на мрежата. Ова значи дека некои од апликациите на државите членки на Унијата нема да бидат подготвени за интеграција. На пример македонската национална апликација за следење контакти, КоронаСтоп која е со централизирана архитектура нема да може да се интегрира.

Апликациите за следење на контакти по инсталирањето и активирањето на апликацијата преку Bluetooth „комуницираат“ со сите телефони кои ја имаат апликација во близина од 2 метри. Помеѓу овие телефони се разменуваат контактите и се чуваат следните 14 дена. Во случај некој да се разболи од Ковид-19, контактите запишани во апликацијата ќе добијат известување дека биле во контакт со лице заболено од Ковид-19.

Со оглед на тоа дека бројот на заразени со коронавирус е во раст последниве неколку недели, ваквите апликации се повторно актуелни. Во Европа заедно со Британија досега се забележани вкупно над 5 милиони заболени.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии