ЕУ ги намали роаминг цените и покрај незадоволството на операторите

Од јули оваа година сите мобилни оператори во Европската Унија ќе мора да ги намалат цените на роаминг услугите. Според тоа што е одобрено од Парламентот корисниците ќе плаќаат максимално 29 евро центи (17,8 денари) за повик, односно 70 евро центи (43 денари) за мегабајт.

„На корисниците веќе им е смачено да плаќаат илјадници евра за роаминг услуга.“, вели евро-комесарката Нели Крус.

Оваа одлука на Европскиот парламент беше очекувана бидејќи е дел од европската Дигитална Агенда која за крајна цел ги има модернизирање на општеството и овозможување на брз и ефтин интернет пристап за секого. Намалувањето на роамингот цените со тешко срце беше прифатено од европските оператори, бидејќи роамингот е една од најпрофитните услуги.

Од јули 2014-та европските корисници ќе можат да избираат и различни оператори кога се во странство. Овие новини ќе им овозможат на европјаните слободно да користат интернет услуги ширум Европа, без да се ограничуваат на својата држава со што ќе ја забрзаат дигиталната економија и разбојот на нови веб сервиси.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии