Еден Вип? Наскоро ќе имаме нов оператор

one.Vip. Ова ќе биде името на новиот оператор кој ќе биде спој од One и Vip. Иако компаниите молчат за детали од соработката, јасно е дека заеднички ќе имаат поголем дел од пазарот од Македонски Телеком, кој е единствената конкуренција. Заедно двете компании ќе бидат во подобра позиција да понудат пакет услуги од мобилната и фиксната телефонија, интернет и телевизија.

Како што беше најавено уште во октомври, Telekom Austria Group се договори со Telekom Slovenije Group да ги спојат двата оператори и со тоа да освојат 53 отсто од мобилниот пазар. Новата компанија ќе има и удел од 26 отсто во фиксната телефонија; 26 отсто во интернет пристап и 33 отсто со понуда на телевизија, иако последново може да се смени бидејќи Vip од неодамна стана сопственик на Blizoo. one.Vip ќе биде под контрола на австриската Mobilkom Mazedonien Beteiligungsverwaltung GmbH, која е во сопственост на Telekom Austria Group.

Барањето за спојување е испратено до Комисијата за заштита на конкуренција, која постави рок од 10 дена за трети страни кои сакаат да поднесат забелешки против спојувањето. Но, шансите се дека Комисијата ќе го дозволи спојувањето, и според најавите може да очекуваме one.Vip да биде официјализиран за три месеци.

3 коментари на “Еден Вип? Наскоро ќе имаме нов оператор

  1. Ova ne smee da se dozvoli. Pregolema koncentracija na mok vo dve konpanii: thome/tmobile i one+vip+blizoo. Duopol e slicno na monopol, sekogas postoi opasnost ovie dve da se dogovorat za cenite.
    Poraz na korisnicite.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии