Дубаи започна со тестови на летечки такси возила

Дубаи ќе се обиде да биде првата држава која ќе овозможува превоз со беспилотни дронови. Тестовите започнуваат оваа недела, а властите велат дека Дубаи ќе биде првиот град што ќе нуди ваков превоз, пренесе Reuters.

Леталата со кои ќе се прави транспортот се произведени од германската компанија Volocopter. Станува збор за двосед со 18 пропелери. Леталото може да лета најмногу 30 минути.

Првиот церемонијален лет кој го најави почетокот на тестовите беше без патници.

Летовите со Volocopter, сепак нема да ги собираат патниците од врата. Патникот со помош на апликација од телефонот ќе повика летало, а леталото ќе пристигне на најблискиот волопорт од каде автономно ќе бидат пренесени до локацијата.

„Веќе може да летаат со помош GPS, а ќе имплементираме и можност за следење на околината, што ќе овозможи избегнување на ненадејни препреки по патот“, вели Флоријан Ројтер од Volocopter.

Тестовите започнуваат дури пет годни порано отколку што компанијата предвидуваше. Девелоперите се надеваа дека ќе успеаат да развијат летечко такси за пет години од сега. Се чини дека технологијата напредува побрзо одошто првично се надеваа.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии