DLSS технологијата на Nvidia, која може да подобри FPS во игрите и до двојно повеќе, достапна до сите девелопери на Unreal Engine 4

Мартин Јованчевски

во Вести

Еден од најголемите проблеми кај гејмерите е поврзан со падот на FPS. Скромните гејмери со послаби конфигурации обично се задоволни со искуството кое им се пружа со стабилни 30 FPS, но доколку бројката оди надолу, особено под 25 FPS, целокупното искуство знае да биде значително загрозено. Од друга страна, гејмерите со натпреварувачки дух и длабок џеб никако не се задоволуваат со 30 FPS туку инсистираат на стабилни 60 FPS, па дури и 120 FPS.

Технологијата на Nvidia, со име DLSS, значително ги зголемува фрејмовите во секунда, во повеќето случаи и за двојно повеќе!

Како изгледа System Shock демото без и со имплементирана DLSS технологија

Тајната зад DLSS технологијата е во користење помош од AI алгоритми кои можат да бидат „истренирани“ да создаваат високо-квалитетни слики во реално време, односно за време на играњето на играта. Со користење на AI алгоритмите значително се растеретува графичката карта и, на сметка на тоа, се создаваат можности за значително повисоко FPS.

Од пред неколку дена, Nvidia објасни дека DLSS технологијата е достапна за сите девелопери на Unreal Engine 4 игри. Претходно, оваа технологија беше достапна само на девелопери кои можеа да се избројат на прстите од вашите раце. Имено, игри со веќе имплементирана ваква технологија се: Cyberpunk 2077, Control, Death Stranding, Fortnite, и Metro Exodus

NVIDIA GeForce on Twitter: "NVIDIA DLSS gives you maximum performance in  Fortnite ⚡ #RTXOn… "

Најголем проблем за уживање во предностите на DLSS технологијата е тоа што не може да се активира на постарите графички карти, туку работи само со Nvidia RTX 2000 или 3000 графичка карта. Исто така, не секое студио би можело да има време и ресурси за да ја имплементира оваа технологија. Поради тоа, благодетите од DLSS зависат и од самите девелопери.

Со објавување на веста дека DLSS е целосно достапна за Unreal Engine 4, интернетот се запали и почна да дискутира за тоа дали и кога истата технологија би станала достапна и за други платформи, првенствено за Unity.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии