Детален увид во мрежите со Wi-Fi Scanner 4

Во случај да имате потреба да добиете подобар увид за безжичните мрежи кои ве опкружуваат, ви го препорачуваме Wi-Fi Scanner 4. Оваа бесплатна алатка ги прикажува најблиските безжични мрежи и ги извлекува уникатните детали за нив. Па така, покрај името на мрежата, лесно доаѓате и до информации за јачината и квалитетот на сигналот, MAC адресата, каналот, максималните, остварливи вредности за трансферот на податоци, имплементираната безбедност и слично. За многумина, ваквите анализи можат да се покажат корисни доколку сакате да идентификувате проблематични точки во вашата мрежа и подобро да ги искорените истите.

Неодамна, излезе нова верзија која ви дозволува и да извршувате подобро сортирање, односно филтрирање на безжичните мрежи и тоа според параметарот channel width. Дополнително, Wi-Fi Scanner 4 може автоматски да избрише мрежа која не е детектирана подолго време.

За бесплатно користење на алатката потребно е да извршите кратка регистрација тука. Внимавајте при преземање и инсталирање на алатката. Компанијата зад Wi-Fi Scanner 4 има неодолива потреба да ви наметне пропратни апликации, особено за време на инсталациониот процес.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии