Дешифрирајте древни египетски симболи со Fabricus

Мартин Јованчевски

во Веб, Вести

Fabricus е најновиот експеримент од кујната на Google Arts & Culture. Проектот е замислен да понуди флексибилни можности за проучување на комплексниот систем на египетското хиероглифско писмо.

Со имплементација на машинско учење, примарната цел е да се овозможи на експертите подобро да ги преведат приказните на древниот Египет. Таквото нешто и понатаму претставува предизвик затоа што писмото датира уште од пред 4000 години и се одликува со над 1000 уникатни карактери.

Во одделот work истражувачите можат да поставуваат слики кои брзо се процесираат. Останатите два оддели се достапни на сите, а се замислени да забават и едуцираат. Првиот од таквите два оддели, Learn, ве учи за хиероглифите и за тоа како системот на Google, AuoML ги интерпретира.

Преку шест интерактивни чекори можете да цртате, копирате, идентификувате, реконструирате, читате и преведувате хиероглифи, а потоа вештачката интелигенција ја проценува веродостојноста на вашите цртежи и ви дава соодветна оценка.

Третиот и последниот оддел се вика Play а тука можете да создавате шифрирани пораки со хиероглифи кои подоцна ги споделувате на социјалните мрежи или преку и-мејл.

Google не губи време и веднаш предупредува дека преводот не е целосно точен и не можете да очекувате дека вашите мисли точно ќе бидат трансформирани во хиероглифското писмо, и обратно.

1 коментар на “Дешифрирајте древни египетски симболи со Fabricus

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии