Следната генерација на RAM меморија, DDR5, ќе биде два пати побрза и два пати погуста. Организацијата која ја прави стандардизацијата JEDEC вети дека во 2018 година ќе го објават стандардот за DDR 5.
Новата меморија ќе биде побрза и поштедлива од претходните генерации. JEDEC вели дека следната генерација ќе биде и со подобра искористеност на каналите за комуникација. Првата презентација ќе биде во јуни, а во 2018 може да го очекуваме и финализираниот стандард.
Лоша вест е што за првите плочки корисниците ќе треба да чекаат до 2020. За пример DDR4 стандардот беше завршен во 2012, но DDR4 плочки започнаа да се продаваат дури во 2015. Добра вест е што на една DIMM плочка ќе има простор за двапати повеќе меморија. Речиси без сомневање во 2020 и ќе биде потребна.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
