AllWeb беше одличен настан. Но, тој треба да стане традиционален настан. Зошто? Затоа што Македонија заостанува во онлајн маркетингот зад останатиот свет. Ова беше споменато од бројни говорници на конференцијата, и секој пат звучеше како несакан и поразителен факт бидејќи на секое од стoте столчиња седеа луѓе кои влијаат врз развојот на маркетингот во Македонија.

Оваа индустрија е неопходна за да видиме побогата локална веб сцена. Подобар онлајн маркетинг ќе ги стимулира медиумите да бидат подобри во своето веб присуство, и ќе финансира нови квалитетни веб и мобилни стартапи. Но, ова не еднострана љубов. Поквалитетни медиуми ќе привлечат подобро таргетирана публика на тие што сакаат да продадат производи и услуги.

(Клини на сликата за да видиш куп други фотографии од конференцијата)

Mожеби почетоците на подобар онлајн маркетинг сцена започнуваат со претставувањето на IAB Македонија. Ова здружение за интеракtитвно огласување е оформено од повеќе македонски агенции, огласувачи и најпосетувните сајтови, и има за цел да го подобри пазарот на дигиталното огласување, да отвори дискусии за маркетинг и да ја промовира индустријата.

„Дали е-трговијата станува трговија, а трговијата се претвара во офлајн економија?“, праша Ведран Бајер од Google oбјаснувајќи дека има се повеќе иновации наменети да го грабнат потенцијалот на електронското тргување. Во тој контекст може да се стави и онлајн маркетингот кој сега може да се мери и да таргетира за да им ги даде вистинските реклами на вистинските луѓе.

Во Македонија во моментов телекомуникациите се лидер во онлајн огласувањето. Ова не е бидејќи тие нудат повеќе од другите, туку бидејќи другите индустрии се огласуваат на телевизијата која е неверојатно популарен медиум во Македонија. Зарем турските серии до толку ни го одвлекоа вниманието?

За жал, во Македонија закуп на интернет е само 0,1 отсто од севкупното огласување, ни открива истражувањето на Ежени Брзовска од Економскиот факултет. Според неа, еден од клучните проблеми во инвестирањето во онлајн маркетингот е што огласувањето е сфатено погрешно.

„Не треба само да се мери стапката на кликање на банер. Банерот треба да биде средство кое генерира свесност за брендот. Треба да е интерактивен и убаво дизајниран, да се води грижа за локацијата каде е поставен, да истакне за кој производ се работи, како влијае и други фактори кои ја мерат успешноста на банерот. Baner blindness постои бидејќи нема интеракција со банерот.“, вели Ежени.

Секако онлајн маркетингот не подразбира само банери. Друштвените мрежи се сега алатка за директна комуникација меѓу фанот, потенцијалниот клиент и брендот. Facebook како доминантна мрежа во Македонија со над 900.000 профили нуди многу повеќе од само отварање фан страна на која брендот треба да се фали дека го има најдобриот производ. Facebook пред се треба да биде интеракција која ќе ги потикне корисниците да споделуваат и разговараат. Не за џабе Facebook има метрика „people talking about”.

Но, пред да се фрлиме во маркетинг кампањи, дали брендовите знаат кои им се фановите и што тие бараат од нив. Никола Спасов од агенцијата Рејтинг го презентираше своето истражување кое го открива профилот на македонските твитерџии. Тwitter заедницата е далеку помала од бројот на македонски профили на Facebook, но една од клучната статистика од истражувањето e дека 25 отсто од твитерџиите се влијателни во својата компанија, а други 6 отсто се сопственици на компании. Можеби најинтересна статистика е дека околу 19,6 отсто од твитерџиите се магистри и доктори на науки. Зарем не би сакале да ги имате на своја страна кога ќе ја подигате свесноста на брендот? Еве го целото истражување:

Но, за да се искористат правилно друштвените мрежи, првин е потребно брендовите да се приклучат на нив. „Компаниите ги прифаќаат промените во општеството и друштвените мрежи како човек болен на смрт ја приваќа својата дијагноза.“, вели Драгана Ѓермановиќ од PR Pepper, агенција која го застапува тенисерот Новак Џоковиќ. Таа инсистираше на оригиналноста на содржината која брендовите ја објавуваат, но уште повеќе инсистираше дека е потребно да се инволвираат корисниците, во таканареченото „crowdsourcing”, да започнат дискусија, да споделуваат мислења и да му помогнат на брендот да се развива заедно со нив. Потенцијалот на друштвените мрежи, вели таа, е комуникација со корисниците.

 

Комуникацијата со корисниците е важна и за локалната продавница за колачиња О Ла Ла од Скопје. Сопственичката Ели Пешева вели дека единствениот маркетинг што ги имаат е онлајн маркетинг. Но, тие не го користат Facebook за себе-промоција и фалење, туку за да добијат фидбек од корисниците.

 

На крај беа споменати и форумите како платформа каде може да се добие фидбек од корисницитеа. Милоје Секулиќ од српскиот HomePage вели дека форумите се првото место каде може да се најдат информации, и место каде што се друши јадрото на корисниците кои разменуваат мислења, рецензираа и коментираат за се и сешто.

Па, дали конференциајта ги промени мислењата за македонскиот онлајн маркетинг? Да се надеваме дека резултаите ќе ги видиме на вториот AllWeb. Иако на настанот се споделија нови идеи, знаење и неопходни бројки за да се разбере локалниот Веб, сепак останува на маркетинг агенциите и локалните бизниси да се ангажираат повеќе околу онлајн маркетингот. За тоа пред се ќе треба креативност и отворена комуникација со корисниците.

2 коментари на “Дали AllWeb ги промени мислењата за македонскиот онлајн маркетинг?

  1. Me raduva nastan od vakov tip, no deka kaj nas ne e kako segde vo svetot govori i nacinot na koj go koristime netot…
    http://www.vijayforvictory.com/social-media/a-wor
    Ovaa mapa sovrseno go ilustrira toa.

    No kako i da e toa ne e pricina da se preskokne eden od najobemnite, i momentalno naj progresivni internet marketing granki- search marketing
    Ne bev na AllWeb nastanot, no pretpostavuvam voopsto ne se dade akcent na SEO i search marketing kako celina. Ne moze da se napreduva vo internet marketing bez sinteza na search marketing kako se po dominanten del od celata slika.
    Duri i na smerot e-business pri ekonomskiot fakultet, vnimanieto koe se posvetuva na search marketing e navistina smesno. Materijalot pak od druga strana e godini nazad. Bi sakal da cujam sto nasite internet marketing avtoriteti imaat da kazat okolu ova.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии