2017 година бележи растечки интерес за Battle Royale модот. Токму поради ова, воопшто не изненадува што толку тимови имплементираат вакви режими во нивните игри. PUBG, Fortnite и H1Z1 се одлични примери за тоа, а веднаш зад нив доаѓа Grand Theft Auto V со Smuggler’s Run, Last Man Standing, ARK: Survival of the Fittest, Rust, The Culling, DayZ и многу, многу повеќе.
Се чини дека на трендот се приклучуваат и од Valve. Компанијата зад платформата Steam, би можелa да има планови за воведување сличен Battle Royale мод во надалеку-познатата Counter-Strike: Global Offensive.
Ништо од ова не е потврдено, но според Valve News Network, поточно, нивното последно видео, се разгледуваат закрпите за CS:GO и во нив, креаторот Тајлер Меквикер наговестува за одредени надополнувања кои допрва треба да се појават во играта; референци за лак и стрела, борба без оружја, употреба на адреналински инјекции, MK2 гранати и слични работи кои алудираат на борбени механики кои се препознатливи за Battle Royale жанрот. Покрај ова, се спомнуваат и мапи со имиња како de_canals и survival_island, а тука веќе работите стануваат исклучително интересни.
Искрено, ваквиот потег ретко би оставил некого изненаден, особено кога ќе се земе во предвид историјата на Valve и нивната пасија за надградба на популарни модови во самостојни игри. Погледнете само што се направи со Dota, Team Fortress, па и почетоците на проектот Portal.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
