Cities: Skylines e бесплатна за играње

Една од најдобрите симулации за градење и управување со град, Cities: Skylines е бесплатна за играње до 12.февруари. За да ја проверите играта, упатете се на Steam и започнете со преземањето од клиентот на Valve. Како што ќе забележите, основната игра се продава со 75% попуст, односно за 7 евра. На попуст се и одредени додатоци за играта, но карактеристично за Paradox, попустите за нив не се длабоки и некои додатоци се со 50% попуст, а некои со исклучително скромни намалувања од 10%, 20% и 30%.

Иако основната игра е исклучително интересна и забавна, додатоците знаат значително да го подобрат искуството и можеби не е лошо само да ја проверите основната игра, а да се стрпите за некои подлабоки попусти на целата колекција во иднина. Моментно, Cities: Skylines Collection се продава со 54%, односно за 56 евра, а Cities: Skylines – New Player Bundle со експанзиите Snowfall и Natural Disasters е по цена од 19 евра.

Кога сме кај процентите, Cities: Skylines има 91% позитивни рецензии, односно 85 Metascore оценка. Многумина гејмери гледаат на играта како на најдобрата симулација за управување со градови, а дефинитивно помага тоа што играта е од самиот почеток дел од Steam Workshop програмата и изобилува со илјадници и илјадници бесплатни модови кои лесно се преземаат и уште полесно се интегрираат со играта.

Оние кои се повеќе акционо-ориентирани, ги потсетуваме дека и Rainbow Six Siege ќе биде бесплатна за играње од 15 до 20 февруари.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии