Chrome ќе има VR Shell што ќе овозможи сурфање во виртуелна реалност

Google има сериозна намера да ја освои виртуелната реалност. Покрај Daydream кој ќе биде платформа за виртуелна реалност на Android, компанијата најави дека работи и на WebVR. Ова ќе овозможи создавање на вебсајтови за виртуелната реалност, а планот на Google е корисниците да не ја напуштаат виртуелната реалност кога прелистуваат по интернет.

Google Chrome Beta и Google Chrome Dev за Android ќе им помогнат на развивачите да се подготват и да ги прилагодат своите сајтови за виртуелната реалност. Ова ќе овозможи корисниците со Google Cardboard и слични уреди веднаш да можат да прелистуваат во виртуелна реалност.

„Денес можам да прегледам WebVR сцена и на iOS уред, дури и ако Safari не поддржува WebVR API, благодарение на polyfill и акцелерометарот во уредот. Ова е одлично… Она што WebVR API ни овозможува, е многу подобра поддршка за екосистемот, поврзување на различни содржини без напуштање на виртуелната реалност“, вели развивачот на Google WebVR, Џош Карпентер, за Road to VR.

За корисниците новата надградба е од практична причини и нема да донесе нови промени, но ќе овозможи да можат да разгледуваат во виртуелната реалност и да прелистуваат по интернет без да мораат да ги вадат и ставаат уредите како Google Cardboard.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии