Секој пат кога создавате акаунт и креирате лозинка наидувате на совети за тоа дека лозинката треба да е долга, со големи и мали букви, како и со симболи. Резултатот од таквото нешто знае да биде предизвик за помнење, особено кога ќе земете во предвид дека за секој акаунт треба да имате различна лозинка.

Buttercup е релативно нов и целосно бесплатен менаџер за лозинки кој е компатибилен со бројни верзии на оперативни системи, независно дали се работи за Windows, MacOS или Linux. Преку користење 256-bit AES енкрипција, Buttercup e силно решение за спречување вашите логин детали да паднат во погрешни раце.

Buttercup се испорачува како десктоп програм, но и како екстензија за прелистувачите Chrome и Firefox, со ветување за соодветна екстензија и за другите прелистувачи во иднина. Дополнително, на располагање имате и верзија за iOS и Android направите. Независно со која ќе одите, интерфејсот е исклучително лесен за навикнување и пријатен за користење.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии