Босанскиот бенд Dubioza Kolektiv одржува онлајн концерти

Популарниот босански бенд Dubioza Kolektiv го најави Dubioza Kolektiv Quarantine Show. Станува збор за концерти кои ќе се одржуваат секој понеделник од 20:30. Ова е начин на кој бендот самиот, но и на своите фанови, ќе им ја направи самоизолацијата поинтересна.

На овој онлајн концерт сите членови на бендот ќе свират од своите домови, а сесиите ќе траат по еден час.

„Во обид да изнајдеме начин како да ги скратиме долгите денови во самоизолација и да ги направиме поинтересни за нас и за другите одлучивме да ги креираме Dubioza Kolektiv Quarantine Show. Секој член на бендот ќе свири од дома, а луѓето ќе може да го следат во живо на нашиот YouTube канал, Facebook и на останатите друштвени мрежи“

Dubioza Kolektiv Quarantine Show – Episode 1

Dubioza Kolektiv Quarantine Show – Episode 1#stayhome #ostajemkući 🤘🤘🤘🤘🤘Svakog ponedjeljka u 20:30 / Every Monday at 20:30 (CET)

Gepostet von Dubioza kolektiv am Montag, 23. März 2020

Дубиоза колектив е босанска музичка група, музиката која ја свират е мешавина од неколку жанрови: реге, даб, рок, ска и хип-хоп. Членовите на бендот живеат во три различни држави, на седум различни се локации. Бендот досега има издадено 10 албуми, последниот албум #fakenews2020 го издадоа неодамна.

Во 2015 бендот издаде видео за бесплатни .mp3 песни и за Pirate Bay, еден од најпопуларните торент сајтови.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии