Неодамна Илон Маск излезе со негова визија за иднината во која предвидува дека луѓето ќe добиваат основен приход. Сега и основачот на Microsoft, Бил Гејтс излезе со план за иднина.
Г. Гејтс препорачува сите роботи кои ќе ги заменат луѓето да бидат подложни на истите даноци и даночни стапки.
„Во моментов луѓето работат и заработуваат да речеме 50.000 долари. Овој приход се даночи со данок за доход, данок на социјална безбедност, и слично. Ако робот ја прави истата работа би требало и роботите да ги даночиме слично.“, вели Бил Гејтс во интервју за Quartz.
Причината за ова е што во иднина сѐ поголем број на работници ќе бидат заменувани со роботи. Ова може да предизвика помалку средства во буџетот. Ова не е во согласност со желбата на општеството за подобро социјално згрижување. Подобрувањата на: грижата за стари лица; подобро образование; подобро јавно здравство; пожарната и полицијата се директно зависни од буџетот.
Интересно слично како и г. Маск, Бил Гејтс смета дека со повеќе автоматизација луѓето ќе имаат повеќе простор за поважна работа. Сепак, за разлика од г. Маск кој спомена технологија и развој, основачот на Microsoft смета дека луѓето ќе имаат повеќе простор за работи за кои е потребна емпатија.
Прилагодување на луѓето за иднина во која дел од работниците ќе бидат заменети со роботи е клуч за напредокот. Наместо паника, општеството треба да почне да се подготвува за иднината. Без разлика дали идното решение е основен приход или сосем друг; автоматизираната иднина мора да почне да се разгледува.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
