Workflow е ексклузивна апликација за Apple и, во поглед на функционалноста, е доста слична со апликацијата IF by IFTTT.
Како и со IF, Workflow ја препорачуваме на корисници кои сакаат поголемиот дел од нивните рутински активности да бидат автоматизирани. На пример, секој пат кога ќе сликате три слики, можете да зададете сликите автоматски да се конвертираат во GIF и да се споделат преку Twitter или некоја друга друштвена мрежа. Со овозможување екстензии, имате можност да креирате PDF документ преку прелистувачот Safari, да поставите гласовни потсетници во Evernote или да поставите фотографија на Dropbox заедно со линк за понатамошно споделување. Комбинациите се бројни и покрај понудените 200 акции можете и самите лесно да креирате и комбинирате со влечење и пуштање акции во листата.
За секоја прилагодена серија од акции, или Workflows, постои опција да се прикажуваат и активираат како апликации. Додатно, истите се прилагодуваат и во поглед на боја и икона. Workflow е одлична алатка за вашата iнаправа, а доколку барате солидна алтернатива за android направите, прочитајте и за IF by IFTTT.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
FitKit 
